Insawn mai ka duh... deuh!

Insawn mai ka duh deuh rum rum ta mai! A engnge tha zawk nia, eng hi nge ka tana enkawl awlsam leh zangkhai zawk tih chu ka hre hauh lo mai. Mahse, kum upat lamah chuan a kum zat ka rual pui pha chiah lo nain (a hming sawi lan kher chu a lo duh lo mai thei a, pawi a tih vak loh leh comment lamah sawi lang ta zawk ila), ka thianpa tia ka lo sawi ve thin duhsakna dawngin, heta trangin hetah min kaisan tir a, ka thianpa duhsakna ka dawn vang liau liaua internet khawvela hetiang thil nei thei ka ni tih ka pawm thlap e, midang tan ropui lua lo mah se!



Engchen nge ka enkawl theih dawn tih pawh ka la hre lo nain; ka dama, chung lamin hriselna tha te min pe a, internet khawvel a bo ta thutte a nih loh chuan enkawl chhoh zel chu ka tum a nih si chuan, ka tlin tawk leh ka zawh tawk, ka phak tawka khawsak chhoh tum chu ka tihtur nia ngaiin, zawh loh nghawngkawl mahni inbahtir ai chuan tihna thinlung nen, ka blogger hi khar mai ka duh deuh ta rum rum a. Ngaihdan fumfe tak chu hemi chungchangah ka la nei thei chuang hauh lo nain, ka rilruah hei aiin heihi chu chhawmnun chhoh zel duhna a lian zawk mahin ka inhria.

Chu chu ka rilru puthmang diktak chu a ni a. hei hi sawi tawh angin, ka thian duhsakna ka dawn chu ka tan hian a hlu a, ka rilru awn lam zawkah hian harsatna leh hriatthiam loh chu ka la ngah nangiang mai!

Ka rilru pawh a insual ve bap bap thin. A pahnihin nei ta mai mai pawh ni ila engnge pawi? tia inzawh changte pawh ka nei ve tho. Mahse, NEIH KAWP lam hi chu ka rilruah a tla na teh chiam lova, ngaihzawng lam thlenga kawp duhlo mi nihna nen pawh a inhmeh lem love, ti te pawhin ka infiam vei zuk zuk roh thin a..eh! (ka ti mah mah em tih pawh ka inhre chuang lo!) A hlimawm ve hranpa ve zek asin... hehe...

Enga pawh chu nise, dah bo hunte pawh a lo awm anga, tun dinhmunah chuan rilru siam thiam a har ka la ti hrih mai chauh ania leh! A dam hi han hauh phawt ta ila, khuarei hian a la hril ve mahna le Hei erawh hi min hmaihsak bik lo la... thianpa duhsakna zara ka neih! hi lo chhim ve hrim hrim la....