Saturday, March 5, 2011

Saw lamah update rup e,....

He lam hi ka kalsan titih tran der tawh a... helai blog hi ka nin vang leh ka huat vang em em a ni hauh lo ania... hetah, helai http://chda.in/ ah ngei hian han klik jeuh mai la... a dik mai ang... :D

Friday, February 11, 2011

Burma Darshan


Sei deuha han report chu ka chak viau nain, thenkhat tan ninawm a chang palh ang tih hlauhna rilru nen theih ang angin kan kai tawi ang e, ka blog hi update loh aiin Burma-darshan hmangin kan hnawhkhat ve mai mai ang e.
    Hotute duhsakna avangin Press Tour-ah ka kal ve a, mi thenkhatte tan ropui lo viau mah se ka tan chuan a hlu ka ti a. Chanchinbua ka thawh hnu, a hminga chanchinbumi ka nih hnua Press Tour ka kal ve vawikhatna a ni (Kum 5 kalta atang khan chanchinbuah ka thawk tan ve). Kan Press Tour hmingah 'Burma Darshan' an ti nghe nghe.
    February ni 2, 2011 khan Aizawl chhuahsanin Champhai kan pan a, Assam Rifles hovin he Press Tour hi an min huaihawt sak anih avangin an bus-in kan kal a. Tluang takin Champhai chu kan lut a, khua erawh a thim tawh.

Wednesday, November 24, 2010

Ramhluna Hnamte-in min chhang em ni?

Zalen chhuak hmasa ah khan ‘Vulmawi Award’ chung chang leh ‘Lunglei leh Aizawl an ti deuh em ni?’ tih lam kha Zalen Thalai Khawvel huangah khan kan chhiar a. Kum engemaw zat liam ta atang khan Aizawl khawpuiah mi talent neite pual in, a bikin Rimawi lamah, Award sem a lo ni tawh thin a, an la sem mek zel bawk a. Chung zingah chuan Lelte Award hi a lar deuh ber chu a ni awm e. Lelte hian kum 20 chuang liam tawh ah khan Mizoram a mi lar leh hmingthate pawh a lo thlang tawh a, Miss Mizoram te thlengin a lo thlang tawh thin a ni. Rimawi Khawvel Award kan nei thin bawk a, tunhnai hian a thawm a reh ta deuh. Saiha khawpuiah Moonlight Award an sem thin bawk a,chumi hnu deuh fe ah Lunglei ah hian Vulmawi Daily chanchinbu Editor thahnem ngaihna in Vulmawi Award an lo buatsaih ve ta  a ni. A tir chuan Vulmawi Award hi Lunglei District huap chauh a tih a ni a, chutiang bawkin Moonlight Award pawh hian Saiha District leh Lawngtlai District chauh a huam thin niin ka hria.

Monday, November 15, 2010

Vulmawi Award-ah chuan Lunglei versus Aizawl an ti em ni?

Hmana Mizoram chhim bial pual chauh ni thin kha, tunah chuan an kalphung an thlak danglam tawh - Mizoram pum tiin. An sem hun tur pawh chu a chiang thawkhat tawh a, December thla tir retah Lunglei khawpuiah sem tum a ni.

Tunlai chhanah Zo entertainment khawvela award chi hrang hrang siam thin te chuan ngaihhlut an hlawh tawk tawh lova, eng award mah hi Zoram mipui hian kan ngaihven tawh lem lo. Mahse, Lunglei atanga rawn zi chhuak Vulmawi Award hi Mizoram pum a nih tawh dawn avangin, an huang zauhna lamah engnge Vulmawi Award ni a tihte pawh hi kan hre deuh fur tawh ang. He Award-a category hrang hrang an siama thlan theih, SMS hmanga vote thlak theih a ni tih puanzar atang chiahin, Aizawl khawpui lamah pawh SMS hmangin - Chumi no. ah chuan heihi lo vote ve rawh, kan thiante an nia lo Vote ve hram rawh tih te thlengin SMS a vakvel a, heta tang ringawt pawh hian Vulmawi Award tih chu kan hre deuh fur tih pawh a hriat thawkhatah ngai ta ila.

Tuesday, November 2, 2010

Pathian I Hria Em?

Sakhaw puithuna laimu chu a fir em em a, chutiang lama insawrbing mi chuan Pathian thudik chu hre vek niin a inngai thin. Sakhaw zirtirna hrang hrangte chuan heihi a pawm lo thung. A chhan pawh Pathian ringtu sakhaw hrang hrangte chuan Pathian chu hriatchian/fiah zawh rual loha thuk leh ril a ni tih hi kan inzirtirna a nih vang a ni.

    Kristian mithiam hmasa St. Augustine chuan Pathian hre famkima inngaite chu a vau lawk a, Pathian i hre famkim a nih chuan Pathian a ni lo tiin Pathian thu zirmi St. Thomas Aquinas pawhin Pathian hriatna ropui ber chu, "Pathian la hre tawk lo nia inhriatna hi a ni," a ti.

Monday, October 25, 2010

‘Stress’ i nei ngai em?

I nun kha nin ngawih ngawih chang i nei thin ti raw? I hnathawh kha kham chang i nei a, i ning ve thin viau a, tuna i hnathawh kalsana hnadang thawh daih chang pawh i nei ve tawh thin em? Mahse, hringnun kawng kan zawh mekah engtik lai pawhin kan thu hnuaiah a awm theih loh chang a tam a, kan duhdan leh ngaihdan zawng zawng a inang vek lo tih i hriat ang bawkin a thleng dik reng thei lo tih hriat bawk a tha.

    Hringnun hi a chang chuan a hahthlak a,  a chauhthlak ngawih ngawih a, a buaithlak em em thin a ni. Hengte hi kan nunah a lo thleng a nih chuan a eng zawnga dawnsawn thiam a tha hle. Chauhna, hahna leh buaina te hian chhan leh vang hrang hrang an nei thei a, chhungkuaah te, kan hnathawhnaah te, sum leh pai avangte, hrisel lohna, khawl thil avangte leh beiseina tha lo kan neih avangtea thleng thei an ni. A chhan leh vang chiang taka hriat a pawimawh em em a, a thei a nih ngat phei chuan a tobul atanga enkawl a pawimawh hle. Thiantha te tanpuina emaw, a nasa viau a nih phei chuan mi thiamte rawn a pawimawh hle.

Friday, October 15, 2010

Insawn mai ka duh... deuh!

Insawn mai ka duh deuh rum rum ta mai! A engnge tha zawk nia, eng hi nge ka tana enkawl awlsam leh zangkhai zawk tih chu ka hre hauh lo mai. Mahse, kum upat lamah chuan a kum zat ka rual pui pha chiah lo nain (a hming sawi lan kher chu a lo duh lo mai thei a, pawi a tih vak loh leh comment lamah sawi lang ta zawk ila), ka thianpa tia ka lo sawi ve thin duhsakna dawngin, heta trangin hetah min kaisan tir a, ka thianpa duhsakna ka dawn vang liau liaua internet khawvela hetiang thil nei thei ka ni tih ka pawm thlap e, midang tan ropui lua lo mah se!