Burma Darshan

Sei deuha han report chu ka chak viau nain, thenkhat tan ninawm a chang palh ang tih hlauhna rilru nen theih ang angin kan kai tawi ang e, ka blog hi update loh aiin Burma-darshan hmangin kan hnawhkhat ve mai mai ang e.
    Hotute duhsakna avangin Press Tour-ah ka kal ve a, mi thenkhatte tan ropui lo viau mah se ka tan chuan a hlu ka ti a. Chanchinbua ka thawh hnu, a hminga chanchinbumi ka nih hnua Press Tour ka kal ve vawikhatna a ni (Kum 5 kalta atang khan chanchinbuah ka thawk tan ve). Kan Press Tour hmingah 'Burma Darshan' an ti nghe nghe.
    February ni 2, 2011 khan Aizawl chhuahsanin Champhai kan pan a, Assam Rifles hovin he Press Tour hi an min huaihawt sak anih avangin an bus-in kan kal a. Tluang takin Champhai chu kan lut a, khua erawh a thim tawh.


    Champhaia an post thar Major Pawan Kumar Pandey, 4 Assam Rifles leh Mayor Rakesh Sema, 40, 23 Sec, Assam Rifles leh an hote chuan min lo hmuak a, Champhaia an inkulhnaah chuan zanriah min kil pui a. Ril a tam bawka ka 'hit' hnem angreng! Zanriah kan kil hmaa kan awm dan ka ngaihtuah let leh hian sap tawng ka lo thiam ve zia ka inhrechhuak uarh uarh maiin ka inhria..hehe!!
    A tawi zawngin sawi ta mai ila, Champhaia kan awm chungin Assam Rifles camp-ah chuan riak lovin Tourist Lodge-ah min thlen tir a, kan thlen ina min vil reng turin mi pathum an dah reng a, an riak nghal bawk.
    Tichuan, a tawi zawngin sawi ta mai ila. Kan thlen tukah chuan kan kal chhan ber Rihdil leh a chhehvel tlawh baka Assam Rifles hovin engtin nge International Boundary-a hna an thawh dan te inhrilhhriatna min neihpui a, darkar khat vel Zokhawthara an inkulhnaah titi hona kan neih hnuah dar 2 bawrah lunch min ei pui. Hetah pawh hian... Yes! I hit it again!
    February ni 4-ah chuan Champhai atangin Aizawl kan rawn pan ve thung. Him leh tluang takin tlai dar 6:15 velah keichu kan chenna In ka lut.
Pic tlem dah ve ang.

Hei hi chu Burma ram chhung atanga lak a ni. In chung sen awmna lam hi India lam a ni a. A lehlam chu Burma a ni ve thung. Ramri-ah hian thlalak an khap a, heihi bus chhung atanga ka lak ruk, Burma ramchhung atangin.

Hei pawh Zokhawthar thlalak!

Rih Dilah in kal chuan heihi an chawlhna hmun, Zu, Beer leh eng eng emaw eia in tur an zawrhna ber a ni. Hei chauh hi a awm a. An sawi dan phei chuan he Rih Dil hi Burma sumdawng hausa tak pakhatin kum engemaw zat chhung enkawl turin Burma sorkar lak atangin a lei a ni awm e. (A kum leh a leina jat chiah kha ka hre tawh mai lo.. sorryy..)

Rih Dil tlawtute kam chhe tleuhna ruak a nih ber hi..

hei pawh a ruak!

A ruak hlir hi ti mai ang! :D

Rih Dil chungah hian kan chuang a ni ber! Sipai hovin min chuantir a, 10mins chhung Rih Dil chungah kan leng del del a ni ber.

(Pic bonus.. Rihlipui chu... hehe...)